کوه و صحرا نشو مار تره زنه

یک دانه من ای جانانه من

لب دریا نشو او تره ورنه

یک دانه من چراغ خانه من

تو دنی من ور مر خوو نورنه

جانانه من ای پروانه من

نشو وا دکته تی مو ره ورنه

یک دانه من ماه و ستاره من

شی دلبر قربون وه نازه نازه

به اون خدا قسم پر پروازه

من شه یاره میرمه یار منه میرنه

وره گاهی ماه و ستاره ویمه

برو یار تا نوک کوه تره ورمه

یک دانه من ای جانانه من

تاریکه شو سیگار سو تره ورمه

یک دانه من چراغ خانه من

کسی تی بدخواهه با چو وره زمه

جانانه من ای پروانه من

ته سر و پاره یاقوت زمه ورمه

یک دانه من ماه و ستاره من

شی دلبر قربون وه نازی نازه

برو دروازه شهر ته وسه بازه

من شه یاره میرمه یار منه میرنه

وره گاهی ماه و ستاره ویمه